Le 28 mars 2009 : (13:00 Unità Naziunale, www.unita-naziunale.org - Corse - Lutte de Masse - Lutte Institutionnelle) Qualchi ghjorna innanzi u prucessu d'Yvan Colonna u so cumitatu di sustegnu avia urganizzatu una riunioni d'infurmazioni à a sinemateca. Avemu vistu un publicu intarissatu e di tutti i tendenzi. i spiegazioni di l'avucatu hani fattu capiscia à tutti chi a Ghjustizia ùn era miccaprisenti in 'ssu prucessu comu in tanti altri prucessi induva i naziunalisti corsi so implicati

C'erani ancu eletti di a maggiurità municipali... ma ùn l'avemu intesi né à a riunioni né dopu...

In fatti monda cunsigli municipali o eletti hani presu pusizioni pà dumandà una ghjustizia equitevuli. In Portivechju : Zitti è muti ! mancu i gruppi d'uppusizioni....

Arimani innnanzi u verdettu a pupulazioni purtivichjaccia ha musciatu u so sustegnu à Colonna  e a so brama di una vera ghjustizia. i ghjovani ,supratuttu so stati esemplari ,stendu da a mattina finu a l'ora di u verdettu. 

Spiremu avali chi i purtivichjacci comu tutti i Corsi cuntinurani à muscià ch'iddi ricusani l'inghjustizia di u Statu francesu.

U Riacquistu chjama una volta di più à participà à a manifistazioni di sustegnu in Aiacciu, parchi cundannendu un patriottu corsu hani cundannatu u populu corsu.

Source photo : Unità Naziunale, Archives du site.
Source info : http://www.uriacquistu.org/  Unità Naziunale
© UNITA NAZIUNALE