Corsica Nazione Indipendente porta u so sustegnu interu e fraternu à a famidda Zubilaga

Corsica Nazione Indipendente porta u so sustegnu interu e fraternu à a famidda Zubilaga

U 7 di lugliu di u 2007 : (Corsica - Sulidarità) Hè sprupusitata l’azzioni di a gendarmaria quandu idda si metta intornu a una casa e un’impresa di famidda, un ristoranti e un campeghju, pa’ arristà secondu u principiu di l’inchiesta priliminaria, un babbu e i so tre fiddoli.

Erani piu di cinquanta gendarmi armati, parechji camioni, e un ghjacaru pà annasà un si sà chi, issu marti u 3 di luddu e a bon’ora…

U rimprovaru fattu à a famidda Zubilaga : Di essa vicinu à un’ attentatu chi saria statu cummissu dui settimani fà e chi nimu un ha intesu parlà, nemmenu mintulatu ind’é a stampa… andeti a sapè parchi !

Ani passatu una ghjurnata sana in guardia custoghja pà nudda…dopu a u so trasferimentu in Aiacciu, so stati cappiati a sera stessa tutti e quattru!!!

Tamantu ciambugliu pà nudda!!!

Di sicuru, issa dimustrazioni di forza armata, supratuttu contru à una sucità chi campa di turisimu rapprisenta un prigiudiziu murali e finanziaru.

Al di là, semu cunvinti chi issa dimustrazzioni di i gendarmi avia dino pà scopu di fà prissioni – una volta di piu – annant’à unu di i nosci militenti. Dopu à l’affari di criminalisazioni di un simpatizanti in Bunifaziu, dopu à i prucessi e in cundanni inghjusti contr’à MighèGiraschi, hè dinò un militenti di CORSICA NAZIONI INDIPENDENTI chi hè cuncirnatu.

Circani à ammutulì u nosciu muvimentu chi ind’é u rughjonu di u suttanacciu s’upponi di fattu a ssu pianu ecunomicu di spussessu ch’un pidda in contu né l’intaressu di a tarra, né l’intaressi di i famiddi corsi.

Di fattu quandu nò prupunimu un pianu di sviluppu durabili appughjatu nant’à i pussibilità ch’asistini ind’é nò, di u rughjonu e di u tarritoriu secondu un puntu di vistu ginirali, un parmittimu chi uni pochi di gruppi privati, stranieri à a Corsica, s’arrubani pezzi e pezzi di u nosciu patrimoniu.

I diranghjemu supratuttu chì t’ani l’appoghju di u clanisimu lucali, intarissati anch’iddu di issa visioni di sviluppu turisticu e di risidenzi particulari pà i francesi da u mari sine a l’internu di i nosci paesi muntagnoli…

Ma un staremu micca zitti !!! Emu da cuntinuà à prupona à u nosciu populu, à tutti i corsi fra quali i più disgraziati a pussibilità di risista e di custrui di pettu à u spussessu.

A dimu chjaramenti, l’avvena di ssu paesu un si po cuncipì fora di a ricuniscenza di u populu corsu cume sola cummunità di drittu nant’a ssa tarra, e un ci lacaremu fà, né i solda, né a riprissioni un pudarani arristaci.

Purtemu u nosciu sustegnu interu e fraternu à a famidda Zubilaga.

AVVIA A LOTTA DI LIBARAZZIONI NAZIUNALI !!!

Sezzioni suttanaccia

Source : http://forucorsu.unita-naziunale.org/viewtopic.php?t=626

Vos réactions sur cet article ici :http://forucorsu.unita-naziunale.org/portal.php

Aidez les prisonniers politiques
Cliquez ici->

<-Cliquez ici
Sustenite i patriotti incarcerati

©©©©©©©La reproduction des informations ou articles sur un site, un forum, un blog, un quotidien, un hebdomadaire, un mensuel est soumis à une simple formalité : Nous contacter par email à infurmazione@"nospam"unita-naziunale.org, ensuite, une fois l'autorisation acceptée : Reproduire le document photo, audio, communiqué, vidéo, photo, dessins (etc..) sans aucune retouche ni modification et de citer la source suivante "Unità Naziunale, Portail d'information de la Lutte de Libération Nationale http://www.unita-naziunale.org/". Unità Naziunale s'engage à citer les sources qui servent à mettre à jour ce portail, pour favoriser les liens et faire circuler l'information. Nos partenaires (sources) se trouvent sur la page suivante : "Les sites D'Unità Naziunale". Unità Naziunale se réserve le droit de refuser l'utilisation des ces informations sans accord préalable par émail.