Una volta di più hè  musciatu chi i cundizioni d’intarrugatoriu, i vuardia custoghji, a vita di tutti i ghjorni in cellula , rapprisentani ciò chi si chjama  un  TURMENTU BIANCU.

Ricusemu di fatti cio ch’idda dici a diritrici centrali di a Pulizza ghjudiziara chi dichjara chi «   ùn hè stata fatta nissun prissioni  ».

Al di là, ramintemu a ugnunu u straziu di tutti i patriotti corsi incarciarati e dipurtati in i celluli  francesi in a so vita di tutti i ghjorni e a rivindicazioni piu che ghjusta di u Cumitatu Contra Riprissioni chi poni ghjustamenti dipoi parecchji anni a quistioni di a rialtà di u circondu pulizzeru, ghjudiziariu e carcerali.

A u mumentu induva tutti i  candidati - di manca comu di dritta - di u sicondu ghjiru à i ligislativi francesi in Corsica, dicini di una sola voci chi tutti so d’accunsentu cu l’avvicinamentu di i prighjuneri pulitichi, cio chi hè accadutu à Dumenicu Pasqualaggi moscia bè chi fora di i parola mai tinuta – arricurdermuci di i prupositi di Niculau Sarkozy nant’à u sughjettu – u cutidianu hè patimentu e turmentu.

Lire la suite du dossier Unità Naziunale ici (articles communiqués vidéos)

Aidez les prisonniers politiques
Cliquez ici->